Denboraldi honetako azken tartetxoa Txoni Matxain EHUko eta DIPCko kimikariarekin egin dugu. Eta bitxikeria batzuei buruz hitz egin dugu. Batetik, zientzian gaizki jarritako izenei buruz. Eta bestetik, teoria oker erakargarriei buruz. 

Euskalmetek meteorologia eta klimari buruzko podcast bat jarri du martxan, Troposfera izenekoa. Onintze Salazar meteorologoak aurkeztu digu gurean. 

Newcastlen, Ingalaterran, gonbidatu gaituzte CERU erakundearen kongresu batera. Zientzia hizkuntza minoritarioetan egiteari buruzko mahai-inguru batean hartu dugu parte, eta jende askorekin hitz egiteko aukera izan genuen, Irene Etxeberria CERUko presidente ohiarekin adibidez. 

XXVIII. denboraldiaren 43. saioa: CERU eta Newcastle, Troposfera eta bitxikeriak. 

Hostoen arteko Melodietan, 1970ko hamarkadaren bukaerara goaz. Petrolioaren krisia urte batzuk lehenago izan zen, baina Britainia Handian petrolioa Itsas hondotik ateratzeko beharra aipatzen zen, ustez, ordezko bide bakarra energia nuklearra zelakoan. Ipar Itsasoko petrolio-ustiaketa justifikatu nahi zuten. 1979an, Jethro Tull taldeak North Sea Oil kanta argitaratu zuen egoera hori salatzeko. 

Zuriketa berdeaz hitz egin dugu Judit Gartzia Ekolurrako presidentearekin. Ingurumenaren aldeko lana marketinean erabiltzea da, norberaren irudia zuritzeko, baina bestelako ezer egin gabe ingurumenaren alde. 

IV. denboraldiaren 43. saioa: Zuriketa berdea eta North Sea Oil. 

Agatha Christieren azken pozoia errizina da. Eleberri batean erabili ordez, ipuin batean erabili zuen, The House of the Lurking Death ipuinean (La muerte al acecho), Partners in Crime ipuin-bilduman, Matrimonio de Sabuesos. Pozoi honen erabilera duen ezaugarri deigarriena da Christiek aurreratu zela denboran, ipuina idatzi zuen garaian ez baitzen jakina errizina nolako pozoia zen. Mentxu Aiertzak kontatu digu istorioa. 

POLYMAT ikerketa zentroak 25 urte bete ditu, eta ospakizunetan dago. 25 urte polimeroen oinarrizko ikerketan eta industriarekin batera lan egiten gai berean. 

XXVIII. denboraldiaren 42. saioa: Agatha Christie eta errizina.